fbpx
主頁, 影音新聞, 電影 — 24/06/2013 at 1:00 pm

【有片】《偉大的隱藏者》睇靚仔都抵

by

韓國有所謂嘅「花美男」,即係靚仔咁解,而呢套《偉大的隱藏者》就正正有三個花美男金秀賢、朴基雄同李玹雨擔綱演出,一句到尾,唔睇故事,睇靚仔都抵。

《偉大的隱藏者》改編自人氣網絡漫畫家Hun嘅同名漫畫,雖然係喜劇,但古仔好有政治色彩,講北韓南派組織嚴格挑選三個精英,派去南韓做間諜,潛伏首爾貧民區負責收集情報,為掩飾身份,元流換(金秀賢飾)假扮低能仔、高層幹部之子李海浪(朴基雄飾)化身渴望成為偶像嘅結他手、李海真(李玹雨飾)著校服扮高中生。三人「祖國統一」嘅偉大信念,漸漸俾南韓居民嘅善良熱誠侵蝕,故事發展,當然係三個間諜俾北韓放棄,喺國家同人性之間,為情義兩難存而苦苦掙扎。感唔感人,未知,淨係知呢三個「花美男」比N年前嘅「花樣男子」F4更加靚仔,係整容化妝技術日趨完善?定拍攝技術力臻完美?無謂問嘞。我係仔,都真心覺得佢哋好靚仔,何況啲哈韓妹妹仔,呢套戲,應該係港女杯茶。(上映日期:7月26日)