fbpx
主頁, 動漫資訊, 專題熱話, 潮玩新聞 — 20/06/2013 at 9:00 pm

率先直擊! 龍貓巴士嚟香港《Donguri Republic》明天開業 宮崎駿作品大集合

by

專門售賣「Studio Ghibli」吉卜力、宮崎駿《龍貓》、《魔女宅急便》、《千與千尋》等動畫產品嘅《Donguri Republic》,香港店係日本以外全球首間分店,聽日(21日)就會正式開幕!開幕前GameoverHK率先入店影盡新產品,仲有香港限定巨型龍貓巴士,入嚟睇相睇片,順便做定掃貨攻略啦,因為呢個周末肯定迫爆人,冇得諗冇得考慮o架喇,拎起手好去俾錢喇!俾完錢快手去搵龍貓影相啦!

去到海港城,未入LCX之前,記得有個龍貓等貓巴士場景可以俾你影相,之後直入LCX,沿途會有宮崎駿所有動畫作品嘅海報俾你睇,去到差唔多盡頭,右手邊就係已經有26年歷史、首次進軍海外殺入香港嘅《Donguri Republic》!

今日店舖仲圍住圍板,入到去就見到頭頂有個仿木製招牌,再嚟就係個幾兩個人咁高嘅超巨型龍貓毛公仔!左手邊有唔同作品嘅擺設、盤景,勁有龍貓入面嘅大自然氣息。右手邊就有電視播動畫,下方又係龍貓,超多大大小小毛公仔,同女友去唔該撳定錢,我肯定你走唔甩。

行入多少少,仲有擺設、毛巾、地氈、拖鞋、匙扣、吊飾、文具,又有日式風味嘅手巾、紙扇,燈呀鐘呀呢啲家品都有,睇見真心樣樣想買!當中夏天極級推介係龍貓手提風扇,抵死在啲風係喺佢擘到極大嘅口中吹出嚟!至於你最關心嘅價錢問題,貴到幾千有,平至一百幾十都有,以我推介個風扇為例,$240,真心唔貴。而好多擺設都係三兩百蚊有交易,好易失控!唔講喇,自己睇相睇片,鎖定目標啦!

回帶 舊報導

香港店限定!宮崎駿名作商品《Donguri Republic》登場

 

官方資訊:

新張期內 免費送限定版紀念品
為迎接“Donguri Republic”首間海外店誕生,由6月21日開幕日起,顧客只要向“Donguri Republic的職員出示以下宣傳推廣活動一或二其中一項的照片及在Donguri Republic的Facebook專頁(http://www.facebook.com/dongurirepublic.hk)讚好,即可獲贈限量版「煤炭屎鬼」襟章乙個。每日限定送出100個。每人限送一個,襟章顔色不供挑選。先到先得,送完即止。各位“Studio Ghibli”的粉絲千萬不要錯過。
宣傳推廣活動一:『【雨中邂逅龍貓】的經典場景』
日期:6月7日(星期五)至7月21日(星期日)
地點:海港城 LCX正門

宣傳推廣活動二:『彌敦道巴士站【貓巴士】廣告』
日期:6月14日(星期五)至7月4日(星期四)
地點:九龍酒店側的彌敦道巴士站

宣傳推廣活動三:『宮崎駿監督作品「龍貓」經典場面及STUDIO GHIBLI電影展覽』
日期:6月7日(星期五)至7月31日(星期三)
地點:海港城 LCX

店舗名
Donguri Republic『橡子共和國』海港城LCX店
地址:Shop 19 LCX Level 3,Ocean Terminal,Harbour City,Kowloon,Hong Kong
(香港尖沙咀海港城海運大廈LCX 3/F 19號舗)
電話:2376 3363

官方facebook
http://www.facebook.com/dongurirepublic.hk

日本官網
http://www.benelic.com/service/donguri.php