去到今個星期, 《虎膽龍威：擇日開戰》同《熱血喪男》都仍然好好賣, 不過講到新戲, 《魔境仙蹤》同《格林雙俠: 獵巫世紀》會係大佬! 兩套嘢咁啱都係3D玩靚聲畫, 論質哋, 都係《魔》正啲, 始終CG嘢多啲, 而且仲有DTS-HD MA Near Field Audio Mix 7.1, 兼故事又一家大細啱睇, 真係父親節佳品。
但就個人而言, 我都係鍾意《格》多少少, 血腥暴力、打打殺殺! 已經總結晒成套戲! 當日戲院睇, 都覺得故事老老套套, 不過打鬥3D場面真係好狠正, 間唔中就有啲嘢直線飛埋大家面前, 我有偷隔籬位, 間唔使見佢側側哋頭, 真係好好笑, 想試真屋企部3D影音組合功力, 必買!
今個星期仲有隻好神秘嘅《古惑仔》, 哩! 羅仲謙版呢! 係, 戲院唔收得, 不過就係因為好多人未睇, 反而挑起大家興趣, DVD抵玩價$95……乜話!? 你想等Blu-ray版, 對唔住, 收到風係唔會出BD嘅, 自己行埋櫃位俾錢啦!
DVD Pro（2332 6326） 地址: 旺角奶路臣街 6E德發商場地庫B4舖 營業時間 : 1:00pm-10:00pm（公眾假期照常）
