fbpx
主頁, 影音新聞, 電影 — 14/06/2013 at 11:00 am

《哈比人 – 荒谷魔龍》二部曲 出中文新Trailer

by

 

又到昆哥時間! 《哈比人》三部曲第二回:《哈比人 – 荒谷魔龍》啱啱出咗新中文Trailer(12月香港上畫), 首部曲好多朋友睇完都喪鬧! 話佢同《魔戒》完全兩回事, 記憶中《哈比人》小說係一個又短、又小品嘅故仔, 0依家要佢拍成三部曲, 對金像大導彼德積遜, 真係難為了家嫂!

睇Trailer後生版魔戒作戰軍團差唔多齊人……但唔知點解有伏嘅味道都仍然相當強烈, 原故事真係唔係記得好清楚, 記憶中故事都係講個哈比人老祖不斷耍小聰明……我知! 我係冇記性, 睇過嘅書都唔記得嘛! 不過話事話, 同期我仲睇咗《龍槍》系列, 真係要同各位喜歡劍與魔法嘅魔玄迷開心Share吓, 呢套唔睇, 將會喺你一生人嘅憾事, 信我! 不過只限龍槍傳奇、龍槍編年史同龍槍傳承, 真係好睇到不得之鳥!