好嘔心呀！呢隻「螞蟻終結者」Reika邊玩邊「e e」聲，因為一班螞蟻，蜜蜂，烏蠅真係好迫真，好醜樣！
玩家要用手指篤死由上而下嘅螞蟻，但途中會殺出可惡蜜蜂，稍一不慎篤錯蜜蜂即刻Game Over,途中仲會有啲好似蜜蜂嘅烏蠅擾亂你視線。
睇落好易玩，但啲古惑蜜蜂會飛「之」字線，又會遮住啲螞蟻博大霧，要眼明手快先玩得惦，玩完夠高分仲可以share上facebook及Twitter，仲可以睇全球排行榜，感受吓有幾多人同自己一樣咁無聊，哈哈！
不過遊戲聲稱新增社交功能，可以壓扁朋友嘅相片，但Reika開親都彈App，激死，唯有殺多幾隻蟻洩憤啦！希望佢哋今晚唔會組成「復仇者聯盟」返嚟搵我啦。
好多蟻，好混亂，好核突呀，嘔！
就係呢個smash your friends 激到我紥紥跳
全球排第一係韓國人，殺左10億隻蟻，嘩，好邪惡呀！
我呢？好善良!
Andriod免費下載：https://play.google.com/store/apps/details?id=com.bestcoolfungames.antsmasher