fbpx
主頁, 編輯Blog — 09/06/2013 at 4:04 pm

【編輯Blog】Reika:端午節食棕之反智問題

by

雖然今日係星期日,但係我無平日嘅鬱悶感,因為返多兩日工就係端午節,又可以放假!印象中,端午節只係一個放假約朋友仔去街嘅日子,為咗慶祝,今日我親手煮咗個棕比自己食!

 

今朝一起身屋企無人,打開雪櫃見倒有好多棕,其實我一直都好鐘意食棕,間中喺粥舖都會買一隻返屋企食,於是決定今日早午兩餐都食棕。但係好老實,其實我係未整過棕o架,所謂未整過唔單指係未「包」過,而係未「煮」過呀。於是我諗咗好耐一個好反智嘅問題,究竟隻棕蒸嘅時候要唔要剝咗層棕葉呢?諗咗好耐,最後,我決定一隻剝一隻唔剝,反正我都準備食兩餐。結論呢,就係我發現都係剝咗先好啲,因為蒸熱之後要再剝皮實在好困難。另外,蒸的話原來要10分鐘左右先好以做到內外都熱辣辣嘅效果。我?只係蒸咗5分鐘,所以入面仲係凍嘅!最後唯有放入微波爐再叮一叮囉。

今個星期E3,編輯部大嗌好忙,但係對於唔駛兼顧遊戲新聞嘅Reika嚟講就相對得閒(唔好打我呀),於是我可以星期三放假,仲可以同朋友一齊睇戲o忝。準備睇嘅係新海誠新作《言葉之庭》,今次以愛情作為主題,上網睇咗段trailer後,更加想入場睇,同之前嘅作品一樣,新海誠筆下嘅東京都係好靚,靚到唔似東京,唔知會唔會好睇過《秒速五厘米》呢?好期待。