EOS M玩Firmware提速 AF加乘2.3倍!

 係! 我認! EOS M我曾經狠插過一嘢! 而且好多網上評論都係一致公認, 相質有大機格局, 不過死症係慢, 仲要係好狠慢嗰隻, 雖然性價比高、價錢唔貴, 不過以無反機嚟講, 佢喺香港銷情認真一般; 不過情況可能有變, 傳咗好耐話佢有新Firmware出, 日本官方已經得到進一步證實, 而且會係6月底前發生嘅事, AF對焦速度去到2.3倍! 妖! 比都0.2倍佢, 再四捨五入, 咪可以標榜佢有紅彗星3倍速咁快囉! 真係唔識計數!