fbpx
主頁, 偶像資訊, 潮玩新聞 — 05/06/2013 at 9:00 am

中國隱形人 行過都未必見到

by

小學上自然課,好早已經知道何謂保護色,小動物為逃避敵人捕獵,會改變身體顏色融入四周花草樹木之中,匿匿埋埋博敵人睇佢唔到。人玩保護色呢?就變成行為藝術,劉勃麟親身演繹何謂大隱隱於市。
以下相片無Photoshop過,被稱為「中國隱形人」嘅山東行為藝術家劉勃麟,將自己油到五顏六色,偽裝自己成為周遭人事物嘅一份子,一樣妙到毫巔。透過助手遷就鏡頭拍攝,張張照片都欺騙到人眼球,要讚嘅,係佢無懼背景係乜一樣可以隱身,更加要讚嘅係,佢可以一企就企幾粒鐘,話唔郁就唔郁,少啲定力同腳骨力都唔掂,途人霎時一望,無細心留意的話,真係唔會發覺佢存在。佢咁做,無非係想宣揚一個訊息,希望有關當局唔好再打壓中國各大小藝術家咁話喎。