主頁, 專題熱話, 影音新聞, 電影 — 02/06/2013 at 11:34 am

02/6一週碟報價: 屍人保姆Hardcore嚇鬼 下周出虎膽龍威:擇日開戰

by

 

OMG! 今個星期一級大片完全欠奉, 可以一睇嘅有《屍人保姆》, Heeeee! 買碟前要有心理準備, 因為真係幾Hardcore猛鬼, 真係唔明, 睇鬼片我最驚細路仔, 佢哋唔出聲、我就會好驚, 可能細個時睇《凶兆》, 令我有童年陰影!

本週另一齣注目新片係《惡之教典》, 故事都係老師遇上西學生, 令佢個陰暗面再反彈晒出嚟; 男主角係《海猿》嘅伊藤英明, 平時見佢咁陽光、突然玩起變態, 其實連選角都令人有一種好嚴重衝突感覺, 睇起上嚟令人更加入戲; 故事都係類似多年前嘅《大逃殺》, 電影宣傳時都話明「完全出席、老師持續殺死大家!」、「全體人員、大屠殺!!

之前兩套聲畫一般般, 愛炸碟嘅都有隻《再造戰士4最後審判 3D, 其實呢個系列, 當年都真係幾強吓, 頭集仲係尚格雲頓最大隻、最當打之時, 不過嚟到第4, 記憶中香港戲院都好似冇乜點上過, 不過演員係《轟天猛將》班底, 再加埋係三級片, 有血有肉, 拳拳爆缸就一定! 其實西片近年啲拳頭交片, 真係相當欠奉, 一來冇乜新打仔彈起, 你見全部老餅出嚟翻拍續集就知啦, 再講超級英雄片抬頭, 個個異能人, ! 都係真刀真槍過癮啲!

下星期有好Man、好鍾意Do起個嘴嘅《虎膽龍威:擇日開戰》, BD建議零售價$199DVD$149, 另外仲有BD鐵盒版$259

不過當然, 呢啲系列作有新碟出, 又點會冇Boxset!? 《虎膽龍威五部曲(六碟裝)(Die Hard Legacy Collection) 藍光套裝 , 開價$799! 唔貴! 前提係你之前冇買過, 另外仲有DVD套裝($459), 其實我想多口問句, 仲有冇VCD套裝呢!?

 

DVD Pro2332 6326
地址: 旺角奶路臣街 6E德發商場地庫B4
營業時間 : 1:00pm-10:00pm(公眾假期照常)