主頁, 動漫資訊, 潮玩新聞 — 29/05/2013 at 2:00 pm

網圖分享 當咕嚕遇上貞子,魔戒求婚!

by

咕嚕,原名史麥戈,受魔戒蠱毒影響嘅一隻鬼物,視魔戒為寶貝;貞子,原名山村貞子,被封枯井嘅一隻怪物,憑怨念殺人害人。兩隻怪物有乜關係?有!仲快將成為夫婦關係添。

無錯,咕嚕同貞子大有機會結婚,而促成呢段九唔搭八嘅婚姻嘅關鍵物就係魔戒。唔信?大家可以睇吓呢幅圖,咕嚕幾經辛苦終於攞到魔戒向貞子求婚,而貞子,原本只會喺電視機爬出嚟嚇人,今次終於為魔戒而爬出枯井。從肢體動作睇,咕嚕跪 ,表面好謙卑;貞子企,好似高高在上,但雙手放喺身前捏吓捏吓咁,估計好心花怒放。呢幅圖畫得唔算好靚,但畀到一個啟示我──男人唔怕猥瑣樣衰,只要有錢,就不愁無女人投懷送抱。

資料來源:http://s1.dwstatic.com/group1/M00/34/24/42613a4699878ac88c84a8ec5adcb9fb.jpg