香港玩具界嘅實力真係越嚟越強，越嚟越國際化。將於本周五舉行展覽嘅threeA，憑之前一隻超巨超精細Metal Gear Rex打入Game界，啱啱就再公佈推出Xbox人氣射擊遊戲《HALO》1/6 Figure！不過唔係未出嘅《HALO 4》，而係外傳《HALO REACH》嘅Carter-A259。
開正threeA軍事玩具嗰瓣，玩埋舊化就更加一流！而且今次仲係大熱嘅1/6比例，精細程度應該不容置疑。推出日期同詳情都未有公佈，不過都已經引嚟外國網站報導，有幾大吸引力唔駛多講啦！想知幾時開訂就要到實喇！