主頁, 動漫資訊, 潮玩新聞 — 21/05/2013 at 12:34 pm

幫手推!咪幫襯壽星仔垃圾作品!

by

呢件垃圾作品,大家千祈咪買呀。

訪問過上官小強前輩,感覺佢為人正直善良、幽默風趣、肯提攜後輩,所以呢條News擺明為佢老人家抱不平,事緣有人未經佢同意私自製作疑似壽星仔Figure,仲掟上面書兜售,呢亭人渣,一定要聲討。

上官小強喺面書作出呼籲,我原文照抄如下,一字不改:「嚴正聲明,此機械壽星係未經作者同意嘅垃圾作品,現有人大膽放上FB發售,無法無天,作者必定追究,大家千祈唔好上當!」Feel到佢老人家有幾勞氣呢!抵佢嬲架,今年係《壽星仔》四十周年紀念,人家本《上官小強四十周年紀念特刊》都未正式推出,居然有人渣膽敢從中抽水謀利?老奉俾你收Place架?知唔知乜嘢叫產權呀?雖則,老實,睇相,呢個Figure製作都幾精美,但為咗公義,大家千其咪幫襯呀。呢條News,大家幫手推推吖,唔該!