嚟緊5月1日推出PS3/Xbox360版本嘅射擊遊戲《Sniper Elite V2》，最近就喺電腦平台釋出試玩版，而今次最出位嘅X光系統，就可以俾你慢慢睇住你粒子彈射爆敵方邊個部位……噢！唔爆頭專爆……我睇見都縮一縮呀！
狙擊手，當然要冷靜。好似呢個外國玩家咁就唔得喇，因為佢特登唔瞄頭，而係向住敵人跨下……讓子彈飛一會兒之後，X光顯示敵人兩粒……爆開！嗚呀！之後狙擊手竟然發出賤笑……講番今集畫面，比起2005年第一集當然截然不同，但貼圖真實度都唔算好高，但就加入望遠鏡監視系統同埋極有玩味嘅X光系統，正宗睇住佢點死……今集遊戲，會唔會創出唔爆頭先河？
httpvh://www.youtube.com/watch?v=tjbcuHNvAkE