主頁, 編輯Blog — 19/05/2013 at 10:07 pm

[編輯Blog]爆炸哥:再見我的黃金年代。

by

今個星期聽到好多消息,首先,碧咸要退休喇,好似同費爵爺約埋一齊咁,佢哋同時喺曼聯嘅年代,係我睇得最多波嘅年代……

其實仲有一壇,就係另一個英格蘭球員,奧雲。我仲記得嗰陣見佢逢人過人快放入波,再嚟狀態下滑越踢越差,踢埋今年,佢都掛靴喇。

最後,呢個未完得晒,但追咗十幾年嘅《Gantz》仲有兩話就完結,我仲記得嗰陣啱啱睇有幾震撼(包括女角嘅身材),去到打恐龍嗰章,超能力師徒出場,睇到我極著迷。到和泉追殺小島多惠時,更加係令我心痛,o個陣真係個個星期上網睇有最新一話未(我有買番單行本,唔過份吖)。雖然去到尾段啲刻情麻麻,唔完都冇乜意思,不過我都係好唔捨得。

我已經開始期待奧浩哉嘅新作快啲出,希望可以最創高峰!唔會係《Gantz》續篇喇啩。

星期六晚網站又成晚死亡,先同嗰晚想上去又睇唔到嘅讀者講聲唔好意思,我哋絕量唔會再俾呢啲事情發生。

Gundam RX-78-2會出新Ver. 3 MG,好想買,買得就好想噴,但等得到有時間砌,可能佢已經出Ver. 4,所以,都係唔會入住,啱吖!