主頁, 動漫資訊, 潮玩新聞 — 08/05/2013 at 12:00 pm

羅賓注定一世做老二

by

主角永遠係主角,配角幾出色都好,始終都係用嚟襯托主角,最佳例子莫如羅賓,不論喺電影同漫畫世界,甚至喺同志界都始終注定做老二,出櫃都要做被動嗰個。
唔信?請睇睇呢幅Graffiti,水準不過不失,叫做面積夠大兼顏色夠搶眼咁喇,但畫面表達嘅內容就犀利咯,兩個大男人嘴對嘴,深情一吻當眾出櫃。從構圖講,羅賓好明顯係被動嘅,佢被蝙蝠俠一手抽起夾喺格肋底,右手搭住對方胸膛,唔知係欲拒還迎推開對方定係情到濃時細意撫摸,唯一可以肯定嘅係打茄輪打到雙腳離晒地,身高又矮蝙蝠俠一截,仲唔係一世都注定做老二?