fbpx
主頁, 潮玩新聞, 玩具資訊 — 24/04/2013 at 4:00 pm

波檯餐檯二合一

by
張桌球檯仲要係紫色絨布添,型到呢。

執筆之際,傅家俊正出戰世界桌球錦標賽,對手係史提芬斯,唔知Marco可唔可以順利過關呢?但凡見到有關傅家俊嘅新聞,我隻手總或多或少痕痕哋。

可惜吖,家陣為兩餐,返工放工日復日,中學時代一放學就蒲波樓嘅日子一去不復返,根本就無時間拎起支Que,如果可以隨時隨地篤番一兩盤波,你話幾好呢?願望絕對可以成真,只要有呢張桌球餐檯的話!呢張檯搞鬼嘞,本身係張美式桌球檯,加塊木喺面就變成平平整整穩穩陣陣嘅一張餐檯,側邊張凳亦內有乾坤,打開,可以收納到四五支Que、桌球同Chalk粉,非常方便。如果香港有得賣的話,唔知索價幾多呢?不過有錢都未必買得成,鬼咩,香港嘅所謂豪宅都係得嗰四五百呎,仲邊有位放得落呢張桌球餐檯吖?