fbpx
主頁, 手提電腦, 軟件資訊, 電腦新聞 — 20/04/2012 at 11:10 am

變種木馬 「鎖檔」擄人勒索

by

自從以為「無毒」無公危嘅Mac機被木馬攻陷之後,一眾PC友喺度幸災樂禍之際,最新木馬又出現新變種!苦茶叫佢「屈錢黨」都不為過;因為呢隻木馬入侵你電腦之後,會用用密碼鎖,鎖住你嘅File或者成個檔案,只要5次亂撞唔中,檔案就會馬上消毀,都咪話唔毒。

據防毒陣件商F-Secure表示,佢發現呢款新型木馬,會喺一啲網站及者討論區散播,一經中招,就會鬼鬼鼠鼠,將你用家電腦檔案 (包含文件、相片) 進行加密,檔案加密後如果想再打開,就要輸入特定密碼,而且會彈出如何解密的方法。

脅持「人質」事件開始進入戲肉喇!如果用家想要得到密碼解鎖,就要支付50歐元、俾木馬開發團隊(俾佢哋開發更毒嘅病毒?),否則,打開檔案五次而仍未能輸入正確密碼的話,檔案將會被木馬自動刪除;成件事同虛擬擄人勒索其實無分別,暫時解決方法都係閒話家常嗰隻:「如果沒有裝設防毒軟件和使用瀏覽保護的功能,他們便應經常更新系統和瀏覽器、避免瀏覽不明的網站,以免網站利用了瀏覽器和操作系統的漏洞而進行入侵,以及避免下載討論區中不明來歷的檔案。」

好!講返啲實質啲!F-Secure大中華區總監李力恆稱:「我們的團隊仍在了解密碼是否可以被破解。」就字面理解,呢把鎖、暫時未解到!一經中招,50歐羅係走唔甩嘅!其實更小心做法,係重要嘅、有歷史價值嘅檔案,唔該勤啲做Backup,50歐羅可以贖回肉參之餘,亦可以買個幾TB硬碟,總之……點都係唔見錢啦!

 

1. 首先電腦內的檔案,如文件和相片,會自動被木馬程式加密,檔案名稱結尾變成".EnCiPhErEd"。

 

2. 當你嚐試打開檔案時,便會看到以下的警告。

 

3. 需要輸入正確密碼,不過木馬所編製的密碼是秘密的,用家根本不會知道。

 

4. 如果你亂撞密碼,輸入錯誤時會彈出以下畫面;並表示連續五次錯誤,檔案會被自動刪除。如果你真係好需要打開,必須向開發者支付50 歐元。