主頁, 動漫資訊, 專題熱話, 潮玩新聞 — 27/03/2013 at 3:28 pm

香港《井上雄彦 – 非官方浪客行展》分享熱誠!「Slam Dunk 4814 Days After」創辦人訪問

by

分享,原來可以唔止按一按share掣。更加可以無條件附出熱誠。佢係facebook專頁「Slam Dunk 4814 Days After」嘅創辦人,人人叫佢做「4814」,呢個群組集合咗過萬鍾意井上雄彥作品嘅fans。「目的?「就係希望集合一個群組,大家一齊分享,我自己都會成日追井上老師嘅新聞,咁又可以share埋出嚟。o依家開始會聯絡台灣方面井上雄彥產品嘅代理『稜鏡』,希望可以幫香港fans訂多啲產品過嚟,咁橫掂我自己都要訂。」佢將會用自己辦公嘅地方舉行一個展覽,不為甚麼。
人越大,錢看得越重要,偶爾遇到不為金錢而付出嘅事情,已足夠令我成個人都熱血起嚟!

嚟緊周未復活節一連4日喺觀塘舉行嘅《井上雄彦 – 非官方浪客行展》,因為關注嘅人估唔到咁多,「4814」先生決定加碼,展覽會喺4/6同4/7再舉行多兩日。今次除咗會有海報、畫集等展出外,仲會播放「最後的漫畫展」DVD,除此外,「4814」更因呢個群組識咗一群作家、藝術家,今次亦都義務幫手製作個人作品參展,佢哋分別係喬靖夫、門小雷、蔡劍虹、葉羽桐及潘文凱 (KAI)。採訪時就只得喬靖夫同葉羽桐嘅文字、親筆畫喺展場,想睇晒就要親身到臨喇。

見到「4814」本人,大家都係井上雄彥Fans,亦都可能好多佢群組嘅同好會有興趣認識呢為主理人,所以即時同佢做咗個簡短訪問,期間提到一直都有但近排熱炒嘅《Slam Dunk》第2部流言(已證實流料),佢就話:「我就唔想佢畫第2部,因為已經太好。」呢一刻,我覺得自己唔可以叫做井上真正fans,因為我超想佢出第2部呀,畫得唔好睇先算啦!

展覽品預覽及訪問短片:

 

展覽單位官方資料:

《井上雄彦 – 非官方浪客行展》

主辦:4814
日期:三月二十九日至四月一日(復活節假期,一連四天)
四月六日至四月七日(星期六、日)
地點:香港觀塘成業街三十號華富工貿中心十樓三室
時間:12:00 – 8:00 pm (《最後的漫畫展 – 影像記錄》 5:00 – 6:30 pm 關燈播放)

Event page:
http://www.facebook.com/events/125593360954698/
展覽可以分為三部份:

主要展覽!
展出來自關於《浪客行》的產物,包括漫畫、海報、雜誌、《最後的漫畫展》三日月篇和滿月篇、DVD 和部份精品。《最後的漫畫展 – 影像記錄》將預定四天的 5:00 – 6:30 pm 關燈播放,讓大家能更完整的欣賞這個記錄(這是辦本次活動最大的原因之一)。播放完結後,歡迎小型討論及分享,4814 也可以分享一下曾親身看過仙台版的展覽的感動,最後抱著朋友哭著的走出展場的經歷。
精品發賣!
是次展覽很高興得到井上雄彦官方認可的台灣稜鏡公司幫助,我們將會有部份官方關於《浪客行》的產品發賣,當中包括《最後的漫畫展 – 影像記錄》DVD、《最後的漫畫展》滿月篇、以及其他精品,數量有限( 4814 自己也會買的了當然),詳細內容和價錢將會在下一次公佈,小部份收入會幫補是次展覽的支出。
創作人參戰!
這是最神秘的部份了。將會有數位創作人加入展覽,展出他們關於《浪客行》的作品。他們主要也是在此 Fans Page 認識的,分別來自香港和台灣,大家也喜愛井上雄彦,能夠從他們的角度,去從新認識《浪客行》。創作人名單將會陸續公佈。
* 注意事項:
1. 展出作品版權為 ITPLANNING, INC,出版社及創作人所擁有
2. 歡迎拍照,但要在不影響其他人參觀和作品本身
3. 牆上的海報和創作人的作品不可觸摸,所有書本和雜誌也可隨意閱讀(大部份來自個人收藏,4814 豁出去之餘拜託你們也小心閱讀)
4. 精品發賣方面,請帶備足夠現金

我們只是想分享而已,看過《浪客行》和沒有看過的,來吧!