fbpx
主頁, 動漫資訊, 潮玩新聞 — 21/03/2013 at 5:14 pm

《古惑仔》海報二部曲

by
1593期《古惑仔》附送陳浩南海報。

牛佬無講大話,今期1593期《古惑仔》真係隨書附送第二張陳浩南海報,今次由陳科琳同邱志加合作繪畫,南哥畫到好型,係把東洋刀出咗少少事,唔多啱比例。

話明三部曲,咁第三張由邊個畫呢?係邱福龍,想知邱福龍筆下嘅陳浩南有幾型,密切留意下一期嘞,不過唔好俾我批中,以佢咁鍾意科幻嘢,話唔定會畫南哥手執二呎四劈班異形都未定。講完海報,講番牛佬仲有乜新動作,佢話下期開始會隨每期《古惑仔》連載小說《南哥傳奇》喎,呢壇就係真係大搞作嘞,期期喎,《古惑仔》仲要係三日刊,幾少字都要真真正正寫吖,家陣係寫故事唔係答讀者來信喎,牛佬頂唔頂得信架,希望到時唔脫期啦,我就真係萬二分期待嘞。