fbpx
PS Vita, 主頁, 遊戲新聞 — 17/04/2012 at 1:13 pm

4月26日《靜籟之空》 養個靚女喺PS Vita

by

唉,我已經有個女朋友喺部3DS入面,o依家你同我講PS Vita又有隻線上遊戲《靜籟之空 獻給失落之星的詩(シェルノサージュ ~失われた星へ捧ぐ詩~)》,可以一日廿四小時睇遊戲內女主角們嘅起居飲食,同佢深入交流。咁我點揀啫?我問你,有兩個靚女喺度等緊我,我點揀呀!

GUST喺4月26日推出嘅PS Vita遊戲《靜籟之空 ~獻給失落之星的詩~(シェルノサージュ ~失われた星へ捧ぐ詩~)》,啱啱公佈新情報。呢隻game點玩呢?首先,遊戲中嘅女主角們都活喺遊戲世界嘅靚女,喺佢哋個世界都係一曰24小時,咁即係同我哋生活一樣啦,即係你晨早開機會見佢整緊早餐,下晝得閒開機仲可以同佢哋去約會,又可以睇吓佢哋整道具成唔成功。仲有,可以用攝影功能影低唔同產品嘅條碼,咁就會有唔同嘅新事件發生,仲仲有,可以同其他玩家連動做任務添……不過,大前題係你要長期有wi-fi或者3G連線。

最後,啱啱仲公佈咗同日會推出限定版「AGENT PACK」,收錄七次元世界書籍、CD、PS Vita專用主機保護貼等,售價7,140日元。