主頁, 動漫資訊, 潮玩新聞 — 27/03/2023 at 5:47 pm

Rocky「石子地攤」搞互動 出繪本邀圖畫景

by

相信大家都知嚟緊7月,戇男同十五少會扯頭纜搞「石子地攤」,我就萬二億分期待嘞,而參與者之一嘅Rocky Chan屆時會推出個人繪本,咁佢強項係畫景,咪所以有以下呢個互動環節囉。玩法好簡單,Send圖畀佢,圖要係「自己心愛的工作枱面、房間佈局擺設或店舖特色」,Just景不包人像,佢會「視乎感覺去畫綱筆線、淡水彩或者電繪」。喂,獨一無二呀,係咪過癮先?作品會喺實體繪本刊登,來圖者請私下PM佢本尊,完事後Rocky會送張自畫印製感謝卡,聊表謝意。老實,成件事唔算甚麼驚天動地泣鬼神,但讀者有份參與始終係件好事,有得互動嘛,咁畫壇先會熱鬧嘛,畀個讚Rocky。

資料來源:面書「Rocky Chan」