fbpx
主頁, 動漫資訊, 潮玩新聞 — 22/11/2021 at 7:15 pm

Wow!鄺彬強《新著龍虎門》蚩尤回歸+群英集結!

by

今期第1124期《新著龍虎門》惹來好大迴響,書末一個拳頭,配大大個「轟」字,再加一句反問:「還有誰?」著實讓一眾讀者樂上半天。連專欄都見到Q版蚩尤,蚩尤回歸畫到出腸架喇,於我係非常開心的,係吖嘛,無理由一代戰神俾條蛋散白朗三兩下搞死,仲要死無全屍,對上嗰Part戲,我係萬二分接受唔到的。家陣蚩尤疑似翻生,very fine,但希望彬強可以搞得好好睇睇,雖然知道好難,但懇請盡量唔好咁多犯駁,翻生?孖生兄弟?易容替死鬼定鏡花水月?條橋希望可以兜得唔好咁突兀喇。
另一個睇到我嘩嘩聲嘅場面,係「龍虎群英陣營集結」嗰頁,除咗王小龍、玉兒同大水牛,基本上齊晒腳,我承認我係易滿足,呢一頁足夠睇到我啲血熱晒架喇;But,諗深一層,呢鋪龍虎門精銳盡出,咁神武英明嗰邊得幾件十戰夠唔夠打架?齋數人頭都預見得到係人多蝦人少。王小虎、王風雷、石黑龍加多個白仇已經係SSS級,如果神武英明背後無其他高手支持,呢場交會變得強弱懸殊,太過正強邪弱的話,好睇極有限。

畫公仔畫得出腸,蚩尤回歸。

 

翻生?孖生兄弟?易容替死鬼定鏡花水月?希望彬強可以兜得好一點。

 

龍虎群英晒冷,好感動呀喂。

 

呢個拳頭……轟隆!