fbpx
主頁, 動漫資訊, 潮玩新聞 — 24/09/2021 at 10:00 am

《新著中華英雄》10月出版 宣傳圖得把赤劍?

by

好了,落實了,今期第1116期《新著龍虎門》出咗正式宣傳圖了,鄺志德亦喺專欄「主編話」透露書名:「團隊新作品《新著中華英雄》,已經開始得如火如荼,工作會議暫時非常順利,暫定10月出版,敬請各位讀友們繼續支持!」我會支持,真心希望可以畫一本出色作品畀大家睇吓喇,要加油呀。另,就呢幅宣傳圖,我朋友咁話:「係咪點都要畫吓華英雄呀?就咁畫把赤劍算數?好求其囉。」我不苟同,下下畫主角邊有癮,赤劍亦屬《中華英雄》Icon,畫赤劍無問題,問題係圖係黑白圖,啲線又多又亂,根本突出唔到把劍,赤劍加番紅色會唔會搶眼啲?
再另,就住上期《新著龍虎門》封面將「火雲七式:火蛇吐信」誤植字為「雷電神腿:火蛇吐信」一事,今期書末重新刊登一次修正圖,不過得罪講句,有啲多餘喎,用文字交代Say個Sorry咪得囉,事關修正圖足足霸咗珍貴的一大頁,留番嚟出多一頁內文好過喇。

話時話,雖然構圖簡單,但今期封面幾靚,王小虎畫得幾有神。

 

朋友評呢幅宣傳圖求其,我唔認同,齋畫赤劍無問題,問題係把劍唔夠突出。

 

用成頁紙出修正圖,使唔使呀?