fbpx
主頁, 動漫資訊, 潮玩新聞 — 31/08/2021 at 4:15 pm

讀者不忿姜崢死要脅Cut《山海逆戰》 邱福龍開Post回應

by

原來唔只我唔捨得,看來《山海逆戰》姜崢之死真係惹來好大回響。話說邱福龍喺面書開Post,話就長短手之死收到讀者傳真,內容話佢:「十分變態⋯⋯害死咁多好人,係咪為咗谷書而專登死人?」難得龍少無動氣,仲保證姜崢之死絕對有後著,兼好禮貌咁話:「希望呢位讀者唔好口中咁講cut我書。」就此事,可以睇到三點。一,《山海逆戰》係好睇嘅,唔好睇的話就死邊個邊個都無人理喇,證明此書喺廣大港漫迷心目中始終有好高地位,亦證明姜崢呢個角色週塑造得好成功,牽動到讀者情緒;二,讀者Including me係睇得好投入嘅,因為投入所以肉緊,因為肉緊所以先唔捨得姜崢死;三,龍少一啲都唔變態,有嘅係氣量,EQ亦高,不但無嬲嬲豬仲親自開Post回應,此舉值得畀Like嘅。But,不喜勿插,我想講嘅係,呢種作者同讀者嘅真摯互動無疑係好,但亦希望唔好動不動就以「Cut書」要脅,無謂影響龍少創作空間吖嘛,畀啲耐性,慢慢睇有何後著喇。

資料來源:面書「邱福龍」