fbpx
Mobile games, 主頁, 手機/電腦 — 19/03/2013 at 4:40 pm

免費手機新Game:超強銅臭味

by

成個遊戲都好燦眼,金光閃閃。

一打開「MillonarieHD」,即刻彈出「百萬富翁」四個大字,成個遊戲金光閃閃,唔係金幣就係鑽石,唔係鑽石就係寶箱,唔係寶箱就係銅錢,好鬼死銅臭味濃呀。

以為又係嗰類唔使點用腦嘅連線遊戲啦,好易玩啦,係就係,不過加咗啲新花臣, 搞到成個遊戲即時難玩咗。乜花臣咁特別呢?特別在三個或以上同類項目,連線成功後唔會即時消失,反而會變成另一個項目留番喺畫面,舉個例,三個紅色硬幣連線成功,會變成一個紅色硬幣柱,咁點先消除到呢個紅色硬幣粗呢?再搵多三個或以上紅色硬幣連線囉,變足三個紅色硬幣柱而又成功連線,咁先可以真正消失。所以唔好諗住博符碌亂咁連線,每一著都要計過度過先好放。玩得越勁,項目變化越多,會變埋唔同顏色鑽石、寶箱、錢袋、金條等等等等,真係一啲唔易玩架。

iPhone下載:https://itunes.apple.com/hk/app/millonariehd/id610340484?l=zh&mt=8

越玩項目越多變化,計過度過先好呀

一打開遊戲簡介,已覺得銅臭味濃。