fbpx
主頁, 動漫資訊, 潮玩新聞 — 16/07/2021 at 12:00 am

離晒譜! 點解《新著龍虎門》出現《山海逆戰》稿件?

by

嘩,離晒譜,咁都可以犯錯?有無搞錯!究竟我睇緊《新著龍虎門》定《山海逆戰》?呢個錯出現喺今期第1106期書末「創作解說」裡面,去到「摩羅圖謀」嗰Part,文字無錯,但配圖卻係《山海逆戰》其中一頁黑白稿件。兩本公仔書份屬兩間漫畫公司,理應河水不犯井水,各有各做,因乜可能出現呢個咁另類嘅Crossover呢?龍少公司有鄺志德嘅人?希望下期書可以畀到讀者一個合理解釋,千其唔好當無咗件事就算。