fbpx
主頁, 動漫資訊, 潮玩新聞 — 13/07/2021 at 11:00 pm

拍片宣佈投票活動結果 黃玉郎愛做「King」

by

之前面書「玉郎有請」搞咗個新視頻環節名字投票活動,黃玉郎剛剛拍片宣佈「玉郎漫漫King」呢個名字大比數勝出,並從中抽出一位冠軍得獎者,因為極Buy該位得獎者嘅評語:「『玉郎』即係我個名喇,『漫』即係漫畫喇,『漫King』就係漫畫皇帝,咁加埋起上嚟仲有無得輸呀?無得輸喇,所以佢贏咗嘞。」呵呵,黃玉郎始終都係鍾意「皇帝」呢兩個字,非常符合佢性格,畢竟一統港漫江山捨佢其誰,鍾意稱皇稱帝絕對可以理解。不過呢,我想講嘅係,《天妖玄奇》雖然有我最Buy嘅滿滿玉郎味,畫功面相亦高質,但故事好似十幾期都無乜點推進過喎,如果想繼續做「King」,就要加多兩錢肉緊喇,加油呀喂。

資料來源:面書「玉郎有請」