iPhone, Tablet, 主頁, 手機新聞, 手機遊戲, 電腦新聞 — 18/03/2013 at 8:44 pm

(有片!)半夜嚇鬼系列: iPhone玩實時AR變臉短片

by

日本剛發佈一個叫Face StealerApp, 佢可以玩AR擴增實境變臉! 其實方法好簡單, 就係將你個樣變成小熊貓、卡通公仔又或者奧巴馬, 而背景冇變! 佢最強大之處, 係可以你自拍任何相都做到, 只要校正返眼、口、鼻同面形邊位, 就可以隨時變任何人都得。

老老實實! 下面有片, 佢搵個真人即場實試, 我覺得只有三、二成似, 而且爆格情況非常嚴重, 玩佢簡直有如玩七月又十四, 個個都黑孟孟, 真係鬼樣一樣! 不過我就睇中佢可以拍成短片, 兼郁得行得又走得, 感覺非常良好!

佢仲話影完的片, 可以放FacebookTwitterYouTube……老實! 我比較期待佢可以推出第二代, 而且係要掉返轉頭, AR個背景, 人樣就唔好變, 而且仲對應即時視像通話; 如果做到呢幾點就真係造福人群羅! 你話原本明明出去飲酒, 按個掣就變成舊同學飲咖啡聚會, 你話幾多家庭可以為此減少磨擦呢? 你笑我冇大志!? 咁你想點用丫? 大家男人, 唔使怕醜、講出黎聽聽!