fbpx
編輯Blog — 17/03/2013 at 5:13 pm

【編輯Blog】苦茶:寢邊人+寢邊貓砂盤

by

世間事! 做咗咁多年人, 都係好多唔明!

細細個老竇教我, 無仇不成父子, 無怨不成夫妻, 其實真係至理, 我唔想多講近日兩宗子殺父事件, 睇見只可以講句好唔開心, 希望大家都有同感; 下週日老父八十大壽, 希望佢長命百歲, 身體健康, 行得走得, 食得; 老婆大人, 苦茶已經相當食得苦0! 希望你唔好再加多兩錢黃蓮, 我真係飲唔落喇!

=========

所謂一命二運三風水, 四積陰德五讀書, 呢句0野都係至理! 老婆讀書時有我幫佢做Paper, 0黎唔多使做, 兩三下工夫就升主任, 最近部門太多人了, 要掟幾個走, 點知一調……由於新部門只剩經理一職, 所以又升職加薪了; 佢問我淨係識影相寫字有乜用呢? 日日做到唔使又點呢? 我唯有同佢講, 我得閒會搵阿玲玲、玲玲指點迷津。

=========

我冇話我特別唔喜歡貓狗, 但係對天發誓, 我亦都唔係特別喜歡, 但唔明點解發展至今, 係家中日日貓狗鬥一番(其實係滿貫先真!), 有日放假在家中賴床, 時間係早上七點! 聽到貓砂聲, 我唔理……玩了半小時貓砂……係! 佢同我鬥耐性, 佢想我起身俾0野佢食, 不過佢老母、我老婆返咗工, 我想賴多一陣先俾佢(我對得燈火講, 我堅唔係整惑佢嘅!); 不過老婆同老母0既智慧, 絕對係冇得鬥0, 隻貓玩貓砂太耐, 最終一時衝動痾咗, 0個陣臭味係可口可樂級, 無可抵擋的感覺, 何解會咁濃烈呢? 原來個貓砂盤放在我的床邊, WTF!!! 我係你最親0既人00! 點解你要咁樣計算我呢?

0個朝阿細貓, 仲成朝玩垃圾桶, HEEEE! 大家睇相啦! 真係好搞笑, 跟手你又鬧佢唔落……不過我老婆、你老母呢個仇, 我係會報0!