fbpx
主頁, 動漫資訊, 潮玩新聞 — 17/03/2013 at 10:00 am

C3 Cosplayer快拍 艱苦任務

by

 

Mr. $叫我影C3 Cosplayer……苦也!其實平時我最鍾意行沙灘、睇書、影吓花花草草, 不過為咗大棚福利, 我去, 仲要一個人去! 御用攝影師小明唔喺度, 我終於知到大鑊, 唔係我唔問佢哋俾唔俾我影,而係連問嘅機會都冇乜……對方火力好強,要求增援!要求增援呀!

老實! 玩Cosplay唔代表一定俾你影! 我明! 由我第一次影, 唔知掟! 俾人鬧:「大佬呀! 我都係人嚟架! 都要休息架! 休息時你唔好影、俾我唞吓得唔得先!?」 係喎! 係道理哥喎! 但今年影相, 如果你仲抱住呢個心態, 咁你不如執包袱走人算喇!喺東京遊戲展影Cosplayer,都叫有條隊你排,只要有恒心,鐵柱都可以磨成針,拮得入,但係今次嚟影相,你有恒心都未必有用……基本一半Cosplayer休息時、一半出嚟俾人影, 呢個係大路約數, 啱唔啱!? 好喇! 今次C3多咗一個趨勢, 就係有龍友帶晒燈腳、落晒柔光罩開壇作法! 好喇! 背景亂我都算喇! 仲要全場延開幾十席、 「一半Cosplayer裏面嘅一半以上」, 就係俾佢哋Hold住每個影粒幾兩粒鐘, 我知! 個情況係你情我願, 但細佬真係只想影佢一兩張交功課, 啲女都俾你哋媾晒啦,仲想點呀?

最後! 我盡影都係得幾張, 係! 係我面皮薄, 不過呢種發展趨勢唔健康, 每一件事, 愈多人玩、愈多人參與先帶動到個氣氛, 如果你愛靚相、愛私影, 其實任何日子、一有空閒你哋就可以約埋一齊玩, 我覺得做人係要開心Share先到啱!