fbpx
主頁, 潮玩新聞, 玩具資訊 — 16/03/2013 at 8:05 pm

C3會場限定 新品玩具Detail睇!

by

 

有冇去《C3日本動玩博覽2013》? 冇就啱喇! 我今日已經去咗, 好多會場限定版模型, 一般舖頭得盒睇, 但呢度就砌起晒有成品, 老實! 都係Gundam最多嘢睇, 隻MSV-006-3 / Z高達, 真係正到冇朋友, 必入手! 隻Destiny駁位都好Firm……點解我知道, 我唔小心搖到個Display櫃, 竟然冇跌件落嚟喎!

會場限定版方面, 兩隻HG電鍍版, 都係一貫嘅唔討好! 立立令唔係我杯茶, 但隻透明閃電, 真同原機體一樣, 試隱形, 係必買的!

COSPA啲衫都嚟咗, 最新嘅賴巴同東方不敗師傅都有, 可惜佢賣晒加細碼, 否則我一定要一打! 行開COSPA, 我提提大家, 嗰度仲有紙紥初音、魔法少女小圓, $50一隻、日本Hit爆! 可惜冇日本新推的白版, 不則我會自畫隻初號機或肥蟹上去!

另外! 日本之前出Show嘅1:1 凌波同明日香都嚟咗, 影佢嘅人原本應該多過會場Cosplayer, 可惜黏住Don’t Touch, 好多人行近半步想稍為侵犯佢, 就有工作人員叫住你, 所以齋影真係有啲冇癮, 我其實真係想攬住佢哋腰影一張! 就俾我放肆一次咁多啦!真碇冇嚟到! 又或者佢座咗入去初號機裏面都未定, 亦冇Pentax部DC陪兩位女神, 妖! 你俾我埋去呵返佢哋啦!

個人心水推介, 係SEN-TI-NEX X T-REX隻黑色三一同紅色三一, 要等到2014先出, 但真係正到冇朋友, 完全冇手板Feel, 幾錢!? 你問我、我問邊個?

如果想標尾會, 明日係最後一DAY!!! 10:00-19:00會展舊翼, 記得搭升降機阿, 上五樓轉到頭都暈!