fbpx
主頁, 動漫資訊, 潮玩新聞 — 16/03/2013 at 4:57 pm

《蒼天霸皇》Tee每件$270

by

《天之傳奇8蒼天霸皇》一周年紀念誌慶珍藏皇者戰Tee $270

喺《天之傳奇8蒼天霸皇》賣咗成個星期廣告嘅「一周年紀念誌慶珍藏皇者戰Tee」,今日終於見街,我摸過上手,好柔韌好跣手,質料確實唔錯,天子迷不妨買番件儲吓。

有撐開黃玉郎嘅都知,玉皇朝推出咁多本漫畫,計質素一定以《天之傳奇8蒼天霸皇》最高,連帶出嘅Tee都零舍正斗過人,高清HD漫畫原廠精印,圖案係鐵木真拎住蒼狼刀擺Pose,計畫功無可挑剔架嘞。要挑剔嘅,反而係只推出「雄偉大碼」同「雄壯加大碼」兩個Size,膊頭削啲、無番四十吋胸肌都撐唔起件Tee,點著呀大佬?或者相熟書報攤老闆娘講得啱:「買得都係儲架啦,你慌你會著出街咩。」聽落又好似好有道理。望價錢,一刊一Tee賣$270,貴唔貴就真係好見仁見智嘞,仲講明限量精製100件添,老闆娘:「唔係個個書報攤都有得賣架,我都係分到一件咋,已經有熟客訂造,你影完相好包番靚佢,畀番我呀。」收到!