主頁, 動漫資訊, 潮玩新聞 — 15/03/2013 at 5:40 pm

《古惑仔》改革號送鄺志德海報

by
鄺志德筆下的陳浩南。

牛佬係有啲衝勁嘅,至少唔會固步自封,肯久唔久就執一執專欄、換一換版位,務求整靚本書,今期第1561期《古惑仔》又有新花臣嘞,仲有靚靚海報送添。

雖然唔值錢,但我不嬲都有鋪儲海報癮,今期《古惑仔》附送鄺志德創作嘅陳浩南海報,我就覺得好正嘞。伊健固然畫得似啦,成幅畫感覺又無咁重「電腦味」,你知啦,加陣好多漫畫都靠係用電腦執一執張原相就見街架啦,呢張海報就有番啲七八十年代Feel,重「人味」得多,我Like。入番正題,咁牛佬究竟改革咗啲乜呢?首先,封面「Teddyboy」字款改咗、多咗個《古惑仔》角色武值排行榜、出新專欄〈古惑仔學堂〉同〈一路向北〉,〈牛佬信箱〉、〈裕國齊分享〉、〈猛報〉同其他廣告就繼續保留,內文質素亦提高咗……少少,係,真係少少咁多啫,唔寫鱔稿,唔講大話。我反而關心嘅係,我最鍾意嘅〈助理Happy Hour〉有無摺,呢兩頁專欄,真係好鬼死好睇架。

《古惑仔》第1561期$15