fbpx
Android, 主頁, 手機/電腦 — 15/03/2013 at 12:54 pm

S4四月底香港派街 解讀四核/八核疑惑 (+清楚機身照)

by

 

GALAXY S4, 雖然硬件上無大驚喜, 4核定8核問題, 簡直叫人如掉進雲霧裡, 不過點都好, 收到最新消息, GALAXY S 4將會在四月香港見街! SIII需要放機嗎? 現在還好價嗎? S4係咪要第一時間入手……真係人生的決擇, 不過唔緊要, 呢篇稿試下同大家解惑!

8核版 會係類NII LTE事件!?

首先大家最關心, 一定係4核同8核的問題……其實三叔都講得好模糊下:應用處理器配置將會因不同市場而有所分別!」 咁即係點先!? 相信冇人想買部低一Grade的最新手提電話! 就以經驗來講, 事件大家可以借鑒上一次Note Ii事件, 如無意外, 首批S4應該係四4!

你話如果同一市場有4核同8核機兩款型號, 大家都係買頭輪機、捨得起俾錢的, 你話4核邊有可能有運行先? 大家再留心新聞稿, 有句係: GALAXY S4支援HSPA+42Mbps4G LTE網絡,讓用戶在世界任何地方與親及連接無間。4G LTE版本的GALAXY S 4更支援高達6種不同的頻譜組合……此外,TDD/FDD LTE雙制式版本將會於今年較後時間推出。」 唔知點解, 較遲推的「雙制式版」, 我硬係覺得同當年Note IINote II LTE情況有點相似, 話說Note II LTE版規格, 明顯遠較第一版本強好多, 我覺得歷史往往係會重演再重演!

機身比SIII仲細仲薄仲輕

第二樣想講的, 係個手感問題, 首先對機身尺寸回一回帶先! S III LTE(136.6 x 70.6 x 8.6mm / 131g)S4(136.6 x 69.8 x 7.9mm / 130g), ! 無錯! S4機身係窄身了少少, 再薄多0.7mm, 而且仲要輕了多1g, 睇數字好似冇乜感覺, 但大家留意, 個屏幕仲要由4.8”(280 x 720)升級上5”(920 x 1080)! 我話你知! 拎上手時, 我覺得0的手指好易唔小心遮到個芒, 而且手感非常Firm, 冇錯! 好多網站評佢膠, 仲話塊底蓋好似[紙咁, 你話唔係咁, 又點樣偷到位, 做到更大芒, 但仲要比S III細先? 而且大家冇實機在手, 所以無留意到一點, 就係手機底板的排列, 今次S4係做得非常平整, 所以底蓋是緊貼機身的, 所以唔會因為機肉凹凸不平, 而做成底蓋在上了機後出現扭曲情況, 呢個就係TUP TUP埳的好處, 所以薄唔係問題, 你亦唔需要怕佢個底殼會爆!

不過產生的另一問題, 相信會同SIII一樣, 對亦跌落地有機會爆芒問題, S4都係會面對同一境況!

Smart Camera放入手機

講到新軟件功能, 好似火力都集中在相機方面, 無法! 1,300萬像素相機的確搶眼, 當中最特別係佢個Dual Camera功能! 佢可以同時運用前置同後置鏡頭, 捕捉即時的影像, 其實用落真係同視像會議差唔多, 不過用家可以自訂200萬像素「視像鏡頭」所拍下相片的大細與擺放位置!不過個人最怕係佢個「Dual Video Call」功能, 同親友做視像通訊都未夠, 仲要用另一個鏡頭展示前方環境, 我真係有點怕呀!

另一個Press Release冇乜點提到的, 是一個叫Eraser的影相功能, 佢有點類似連拍的功能, 一次影好多張相, 然後佢會比到被攝者, 同週圍環境, 如果發現有途人行過, 影入鏡頭內, 佢會自動將佢擦掉, 重現背影原來面貌, 老實, S4影相功能, 真係相當強!