fbpx
主頁, 動漫資訊, 潮玩新聞 — 16/04/2012 at 5:06 pm

《九龍城寨2》第廿五期特別版送Postcard

by

想谷書,出特別版呢招好正路,但因為成本關係,唔少港漫嘅所謂特別版都好縮皮求其吓,係咁意改吓書名顏色、中間送多幅跨頁海報或同一期出兩個封面版本就話係特別版,講真呢啲招數已經新鮮感欠奉,讀者都已經唔係太受。

《九龍城寨2》今次就有誠意得多,第廿五期〈怒火風暴〉出兩個封面版本,普通版十二少大頭掛帥,用藍色做主調色;特別版陳洛軍煲煙擺型Pose,用紅色做主調色,送一套八張Postcard,Postcard輯錄吉祥出青、陳洛軍吞雲吐霧、五大高手晒冷、信一橫眉冷眼、大老闆打邊爐、AV復仇、哥哥沉思同十二少咬牙籤等舊畫而成,厚身硬卡紙用色靚,珍藏一流。係司徒劍橋Fans必撐,呢廿五蚊無得慳,我話嘅。

 

普通版$15

 

特別版$25

 

送一套八張Postcard,正呀!