fbpx
主頁, 動畫, 影音新聞 — 12/03/2013 at 2:00 pm

動態漫畫出籠

by

〈逃出打機城〉

「決定交叉點」唔係一個Game,有關機構之所以開發呢個Apps,係因為知道年輕人機不離手,十個有九個都係低頭族,所以希望透過「動態漫畫」宣揚正面訊息。

「決定交叉點」遊戲自我介紹如下:「為了協助青少年面對濫用藥物的問題,我們製作了『決定交叉點』,透過動態漫畫鼓勵青少年以正能量面對人生,激勵他們重拾人生正確方向,避免落入濫藥的陷阱。」成個Apps有四個動態漫畫,分面係勸人唔好過份沉溺遊戲世界嘅〈逃出打機城〉、勸人遠離毒品嘅〈那年,我們一起接力在平行時空裡〉、勸人要懂得珍惜眼前人嘅〈消失的人生拼圖〉同埋勸人唔好事事八卦嘅〈新伊索寓言 好奇心害雀〉。講真,睇完唔會好感動,但宣揚嘅訊息真係好值得表揚。公仔靚唔靚?唔評論,反正免費下載,有得睇就唔好咁多挑剔,反而我想問嘅係:「究竟何謂動態漫畫?」呢四個小故事,漫畫唔似漫畫,動畫又唔似動漫,有VO,有字幕,有配音,究竟點動態法呢?唔係柴台呀,孔子入廟都每事問,我好學,真係想知咋。

iPhone下載:https://itunes.apple.com/hk/app/jue-ding-jiao-cha-dian/id599916460?l=zh&mt=8

〈那年,我們一起接力在平行時空裡〉

〈消失的人生拼圖〉

〈新伊索寓言 好奇心害雀〉