編輯Blog — 10/03/2013 at 1:00 pm

【編輯Blog】苦茶:冇乜事咪行影音舖

by

 

無乜事唔好行影音舖, 呢個係心靈空虛人的大忌! 我噚日又行了, 陪朋友買部房仔電視, 點知行經相機櫃位, 多口問部a77幾錢, 哥仔要查簿報價, 佢話七千中, ! 有點心動! 影相絕對有找了, 其實絕對係買玩具心態, 所以話冇事, 唔好行電器舖, 我家中現有56部相機!

再問a99報乜價! 「萬九蚊左右!」呢個好明顯係指導價, 新機冇乜水位! 老實! A99a77雖然大家像素差唔多, 但係由於a99Full Frame, 所以成像會滑淨點, 而且ISO更可高一級上100-32,000……其實這些不是重點, 最重大改進係佢個拍片, 機身內置防手震, 手持拍攝的穩定性, 簡直媲美電影級、要綁腰的STABILIZER, 唔信上Youtube睇睇人0地用a99拍的片, 真係定得恐怖, 係五仔無法比擬的, 我覺得用開相機拍片的, 可能再遲一點, 可能有跳船潮……妖! 我做乜又問a99個價呢!? 我覺得好多影音舖都放風水陣, 吸人買Gadgets 0!

回返正題! 我其實係舖朋友睇24-27″房仔電視機, 我走到去電視櫃欄, 已經差唔多係半個鐘後的事, 我個老死黑晒面, 你以為係因為我遲到, 唔係! 係因為個Sales, 原來! 我獨自搵食呢半小時, 佢就俾個Sales再教育了半小時……我暗啞底問佢: 「其實佢有冇料過到俾你?」佢答:「佢淨係同我講價錢, 同部部機都好抵! 其實我對所有機的功能都一知半解……」冇法啦! Sir話齋:「我0地個Target好高0! 唔該你幫幫手啦!」真心! 我同個朋友一直睇電視, 睇畫面表達能力, 傾每部機仔背後有幾多個HDMI, 條粉腸又不斷尖個頭埋0黎聽又搭嘴, Sell好平好抵! 最後我們係頂唔X順走的, 直送我們出電視機欄範圍, 佢先停步唔釣尾……如果電器舖內, 每個唔同Section都有一個如此Sales, 我覺得大家亂買東西的比較會大大降低, 但點解電器舖又會請這些人呢? 唔通佢0地想做良心企業!?

Tags