fbpx
主頁, 動畫, 影音新聞 — 10/03/2013 at 11:00 am

獵奇影片:《九龍城寨》Crossover《友誼之光》

by

老劍本《九龍城寨》同Maria Cordero首《友誼之光》有乜關係?係,照計應該無乜關係,但有忠實港漫迷將兩者串埋一齊,邊播圖邊播歌,相當搞鬼。

由於屋企空間有限,過期漫畫翻睇完之後即丟,所以搵唔到呢位忠實港漫迷搵邊期《九龍城寨》玩呢次山寨版Crossover,但佢用嘅圖片我家陣都仲好有印象,嗰期講陳洛軍、信一、十二少、吉祥、Happy仔、AV、大老闆等人唱K,萬眾一心打倒雷公子,係一段同青天會戙旗之戰前嘅小插曲,幾條友仔攬頭攬頸有情有義,友誼萬歲咁話。漫畫裡面眾人唱嘅係《友誼之光》,忠實港漫迷忽發奇想,就諗到邊播圖邊播《友誼之光》,Post完短片,佢仲留低心底話:「看了港漫也快有十年了。問我為何喜歡《九龍城寨》?說起來,就是那充滿神秘的小說名《九龍城寨》。粗看過小說的插圖,被那熱血與神秘所問題,便買下來看了。不久後,出了漫畫版。漫畫版的有別一翻味道,是歌唱的味道。每個角色,每段故事,也像一首歌。上年,看了他們歌K時,已很想弄成短片了。原本想到作者生日前送上,但我老是貪玩,新年後才完成。」如果多幾個呢亭忠實港漫迷,香港漫畫業肯定有救!