fbpx
主頁, 動漫資訊, 潮玩新聞 — 29/03/2021 at 9:00 pm

嬲!因乜解究石黑龍要練盤古天殛震?

by

其實呢,我真係算一個非常包容嘅港漫迷,只要唔太過份、啲公仔過得去,故事幾老土幾食老本都會撐落去。But,今期第1090期《新著龍虎門》,我真的頂不住要爆了。阿編劇大人可唔可以戙企出嚟親口解釋,點解要石黑龍學盤古天殛震?「因為要接收通天教所以要學同軒轅驚天訣同源嘅盤古天殛震」呢個係原因嚟嘅咩?已經唔係牽唔牽強問題,係直頭邏輯有問題。Fine,咁學就學啦,頂吖,Totally三格,就第13頁畫咗三格咁大把,三個Bubble蚩尤講兩句加石黑龍回番個問話符號,堂堂盤古天殛震就成功練成?有無兒戲咗啲呀,呢啲係乜鬼絕世武功?齋Talk就掂?仲要一Talk就Talk到上三十五層天出埋絕招「雷霆擊鼓」添喎,咁以後仲使鬼練武?
阿編劇大人,你究竟明唔明,不論正傳外傳內傳前傳後傳左右東南西北傳,Within《龍虎門》個武學框架,石黑龍就等於金鐘罩等於雙節棍等於摧心錐等於刻骨銘心爪等於無影無蹤等於百毒不侵等於柔道小魔童,呢啲框架係唔可以立亂改架,一無厘頭地加鹽加醋,讀者Including me不但會大呼無癮,更會大呼痴線添呀。而明顯,今次係暴走式痴線了。

今期畫功非常一般,刀君臨呢招甚麼快意隨心斬,都畫得好隨心吓。

 

不多不少,就呢三格,石黑龍就練成盤古天殛震了。

 

石黑龍練盤古天殛震,我接受唔到。

 

打呀打,越打越升呢,好勁呀。