fbpx
編輯Blog — 04/03/2013 at 11:48 pm

[編輯Blog]爆炸哥:當井上雄彥遇上高第!

by

 

 

Slam Dunk、零秒出手、浪客行、Real,井上雄彥嘅畫功同講故事嘅能力只有越嚟越高。一個漫畫家成名後仲可以不斷進步,當真值得尊敬。所以,我從來都唔會上網睇佢嘅漫畫,每一本都係用真金白銀買嘅。包括呢本《當井上雄彥遇上高第》,香港好似未有?

對唔住,我未知佢講咩,因為我未開封。不過睇見個封面,已經唔可以唔買。

今個月勁多遊戲推出,個人目標鎖定《God of War》、《機戰UX》、《One Piece無雙》、《Soul Sacrifice》,即係,部部機都有嘢玩,唯獨係Wii U,諗緊會唔會買隻Wario。

咁多隻最想玩係GOW,爽嘛!不過之前試玩過,今集戰神因為有個「修復」環境嘅能力,所以好似仲多咗解謎原素,玩落好似冇咁爽。

一向有追開嘅《Gantz》就快完,雖然都已經爛爛哋,不過都希望好頭好尾。回想番,個人覺得最好睇就係打暴龍同吸血鬼一段,和泉冇得再出場,真係唏噓。

如果呢本都完埋,追嘅漫畫就越嚟越少,就好似自己嘅青春咁……嘩咁感性?

因為《Mix》嘅關係,近排拎番《Touch》出嚟翻睇,依然覺得好勁好感動,有一種唔知點形容嘅感覺。

好,GameoverHK FaceBook讚好人數突破15,000!