fbpx
主頁, 動漫資訊, 潮玩新聞 — 19/03/2021 at 8:30 pm

Sad+嬲!黃玉郎《龍虎5世3世仇》暫停!第二季待續!

by

唔同人有唔同意見同睇法,我就不嬲都好包容兼易話為的。唔講大話,我從創刊號到家陣第43期,都覺得《龍虎5世3世仇》係好好睇的,所以睇到今期書末「號外」話:「《龍仇》口碑甚佳,雖暫完卻不想草草給予一個不完美的結局,經幾深思細想後,為《龍仇》第一季保留『追看性』,待續第二季,這方法是最為理想。」我係有90% Sad加10%嬲的,正當故事架構鋪好晒、角色性格煲得起,好哋哋一本書話停就停,有無照顧過讀者感受?Anyway,昊天帝尊同焚天邪神誰勝誰負、東野虎嘅義勇門往後有乜發展、軒轅龍有無認祖歸宗、冰鷲有無改邪歸正等等,希望假以時日黃玉郎可以兌現承諾,真係會推出第二季好好交代喇。But,I guess,出第二季嘅可能性Really不大,嗚乎。

《龍虎5世3世仇》出到第43期暫停,希望真有第二季喇。And,今期封面唔係唔靚,但人體比例就真係……因乜解究係要拉長嚟畫畫到九頭身?

 

咁嘅原因,你接唔接受到?

 

黃玉郎因為要推出《天妖玄奇》,所以暫停《龍虎5世3世仇》。

 

軒轅龍如果真係老門主個仔,咁咪高過焚天邪神一輩?

 

昊天帝尊同焚天邪神同達「臻神」之境,有排打。

 

東野虎嘅義勇門,唔知仲有無發揮空間。