fbpx
主頁, 潮玩新聞 — 01/03/2013 at 1:00 pm

感光‧感熱‧通話軍褸 美軍研發中!

by

 

我真係堅鍾意打戰爭Game!不過我有一個原則,就係我只會(才查)AK、永遠唔用M16,因為現實中(才查)M16嘅係搶錢偷油嘅邪惡軸心國!不過道高一尺、魔高一丈,美軍聯同麻省理工(Institute for Soldier Nanotechnologies/MIT),現正研發一種叫ACUmicrofibers做軍褸,佢有感光、感熱同通訊功能,好科幻!?其實聽佢解釋,又好似真係做到喎!

呢隻物料叫做ACUmicrofibers!簡單理解,你可以當佢以類似光纖物料,先織成布、再做成衫;佢話如果同Team軍人着咗呢件衫,當你用槍口或Laser Point對住佢時,由於衫上有識別訊號,所以件衫會話俾你知佢係隊友(甚至好似打FPS咁,會顯示隊友名稱),咪玩Team Kill,否則就唔止踢走咁簡單!

另外,佢仲有感熱功能,如果你中槍,會有即時訊息Send返總部;更強係由於佢由類似光纖嘅傳導物質編織成,邊個位斷咗線口,線口有幾大,仲可以直接評估士兵受傷有幾重,或者你身體完全變冷,直接知你已經死亡。

至於通訊功能,唔使講啦!跟本佢一身都係電線,呢樣簡直Easy冇問題啦!據知現時ACUmicrofibers大概做到1mm咁粗,老實!用嚟做衫真係有啲茌度,用嚟整第一滴血Rambo着嗰個麻包袋,我都覺得無可能!有關方面希望縮少至100微米,先會切合實戰用途!

 

 

資料來源:http://wired.jp/