fbpx
主頁, 動漫資訊, 潮玩新聞 — 11/03/2021 at 7:15 pm

《王小龍傳貳》出廣告 王小龍賭神上身玉兒大露背

by

《王小龍傳貳》喺今期第1088期《新著龍虎門》正式出廣告了,唔錯吖,畀我感覺幾新鮮,鮮見王小龍一身高貴禮服出場,玉兒仲要高衩低胸大露背添,加埋啲籌碼同四條煙做襯托,非常有《賭神》Feel,切合到新書主題「贖罪籌碼,仇恨底牌」,希望到時搞得好好睇睇喇。另,今期嗰幾格Q版石黑龍,我係有少少睇到笑的,Fine喇,切合到佢樂天活潑性格,不過偶一為之好了,期期都Q版大頭盞睇到悶。仲有想講嘅係,今期交代偽真弓遊說石黑龍撐甲賀,呢Part無問題,但諗唔明嘅係,真弓明明都死咗咯,點解唔考慮出過另一個新角色呢?係要搞到疑似死人翻生咁為乜?成個甲賀派咁多人,求其安排另一個女忍者出場唔得咩?

好哋哋點解安排一個女忍者易容成真弓出場呢?

 

《王小龍傳貳》正式廣告。

 

偽真弓主動獻身,石黑龍艷福不淺。

 

呢類Q版大頭,我OK受落。

 

Q版石黑龍,你Like唔Like呢?