fbpx
主頁, 動漫資訊, 潮玩新聞 — 15/12/2020 at 4:30 pm

《王風雷傳奇》又變番週刊?第八期變番本周五出版咁兒戲?

by

喂?乜咁Funny,上個禮拜先話轉雙週刊,家陣又維持番「正常週刊出版」,咁搞法好混亂喎。講緊嘅係《王風雷傳奇》,鄺志德剛喺面書開Post話:「原定王風雷傳奇第八期轉為雙週刊,但上週助理團隊非常神勇,星期五已經發齊稿到分色,既然稿已齊全,當然趕及本週五正常週刊出版了。」咁,是咪意味住《王風雷傳奇》變成不定期刊?我覺得呢個安排唔多妥,一,唔應該Assume人人都有睇呢個Post,上期書末廣告既出,讀者只會大安旨意下週五先撲第八期書,呢個禮拜買漏咗點算?二,再下週五會唔會又變番雙週刊呢,Sure唔Sure出到第九期書呢?如出到,無買第八期書嘅讀者只會見到第九期書,肯定嬲嬲;如出唔到,買咗第八期書嘅讀者見唔到第九期書,一樣會嬲嬲。何苦咁兒戲呢?

資料來源:https://www.facebook.com/dick.kwong.98