fbpx
主頁, 動漫資訊, 潮玩新聞 — 23/11/2020 at 5:15 pm

牛佬《龍虎門外傳慈雲山七鷹》小Bug 三鷹嗌錯「老大」

by

繼續開心地撐牛佬《龍虎門外傳慈雲山七鷹》,不過今期有個小Bug,有幾格睇到我一頭霧水。話說龍虎三皇打完劫押餓鷹返竇口,撞到無影鷹同瘋鷹捉棋,期間三隻鷹互相稱呼大家為「老大」,呢個位應該出錯了,因為早兩期已經交代過七鷹排名,老大係大鷹王、餓鷹排第七、無影鷹係老六,瘋鷹係老四。另,我覺得七鷹裡面,最搶眼嘅係瘋鷹,早兩期唔夠人打已經自己打到自己腫口腫面,今期更加因為受三皇挑撥離間,出盡全力打餓鷹。瘋鷹的確係「瘋」,連自己友都打,癲癲哋嘅,人物性格好突出,牛佬更特登用Q版交代,幾好笑。

瘋鷹喪打餓鷹,Short Short哋嘅。

 

早兩期已交代過慈雲山七鷹排名。

 

無影鷹應該稱呼餓鷹為「老七」,而非「老大」。

 

同緊餓鷹講嘢,但都係叫錯「老大」。

 

餓鷹都係講錯「老大」。