fbpx
主頁, 影音新聞, 電影 — 25/02/2013 at 9:20 am

新片速報:《葉問──終極一戰》最新預告片曝光

by

「葉問」呢個角色真係拍到爛無可爛,宇宙最強嘅甄子丹扮過、有功架無星味嘅杜宇航扮過、靚仔梁朝偉都扮過,估唔到家陣連黃秋生都嚟分一杯羹。

學人食尾水?黃秋生扮型就得啫,打唔打得好成問題喎,好彩喺今次《葉問──終極一戰》裡面,佢飾演嘅係晚年葉問,劇情斷估說教多過真打,而事實上呢條片全長一分零九秒,都唔見黃秋生做過乜嘢大動作,連教徒弟打詠春一幕,感覺上出拳都慢半拍。《葉問──終極一戰》由邱禮濤執導,除黃秋生做主角外,Cast一啲都唔弱,袁詠儀、曾志偉、陳小春、鍾欣桐、周楚楚、洪天明、周定宇、蔣路霞等等都有份演出,故事講葉問從佛山來港開館授徒嘅艱辛史,深入描寫師徒情,預計三月被上映。拿,真係拜托,唔該最後一套嘞好唔好?睇來睇去都係葉問,幾好睇都會覺得膩呀大佬。