fbpx
主頁, 動漫資訊, 潮玩新聞 — 13/11/2020 at 9:00 am

《新著龍虎門》小Bug 大龍頭究竟盲定唔盲?

by

又有Bug,今期第1070期《新著龍虎門》又犯咗個小錯誤。劇情講到火雲邪神被圍攻,道經戰隊成員之一嘅大龍頭用降龍十八腿一招群龍亂舞,火雲邪神亦啟動無相神功回敬一招群龍亂舞,結果當然係勇哥勝喇,大龍頭仲慘被刺盲眼添。錯誤就出喺第23頁了,旁白有交代被刺嘅係電子眼球,但明明假眼已經被挖出,但24頁嘅大龍頭卻依舊雙目無損。呢啲小Bug,希望以後可免則免喇。And,今期無名嘅真面目亦正式揭曉,識道經,又姓龍,仲有邊個吖,相信好多讀者都已經估到了,姑且又睇吓條大橋點行落去。

 

撩勇哥隻揪,大龍頭唔識死字點寫。

 

雙指一插,大龍頭左眼報銷。

 

明明交代咗被刺盲嘅左眼係電子眼球,成隻眼挖晒出嚟。

 

編劇好快已經唔記得咗,下一頁大龍頭已經神奇地雙目無損。

 

又係一招一將功成萬骨枯,大龍頭皮已收。