fbpx
主頁, 動漫資訊, 潮玩新聞 — 06/11/2020 at 6:45 pm

有無搞錯!黑龍揸波救銀鈴?黑仔傑單挑白蓮四魔?

by

睇完今期第1069期《新著龍虎門》,我未至於安已不,但嘴已O。因乜解究石黑龍單單用「愛」就可以幫銀鈴盡解無名毒,打個茄輪就搞掂會唔會兒戲咗啲?練金鐘罩十二關要有慈悲心,當勉強講得通,但慈悲心卻建基於男女之愛?唔係啩?佛家唔係一向講戒色慾嘅咩,咁出家做和尚托呀?呢個Point,我睇唔透。好喇,解毒就唔該正正經經解毒喇,又做乜要將銀鈴拋上天轉幾個圈呢,好喇,喺半空跌番落地,正正經經接番住佢咪得囉,又點解石黑龍要出揸波龍爪手呢?嗰兩句旁白「色心起,佛心去!」同「佛心消,十二關散,打回原形!」尤其礙眼。第二個令我O嘴之處,係黑仔傑出場,用義肢出蠱惑呢招確係幾有趣,但編劇究竟有無溫書?黑仔傑武值點會突然間標升咁多呀?揸住把爛鬼刀就能夠一人獨戰白蓮教四魔?四魔幾時變得咁渣斗?呢個位,我都睇唔透。