fbpx
主頁, 動漫資訊, 潮玩新聞 — 29/10/2020 at 4:15 pm

截糊! 黃玉郎《正宗小流氓封面集》狙擊文化傳信《小流氓經典封面紀念畫集》!

by

鬧雙胞?這邊廂,文化傳信宣佈11月5日推出《小流氓經典封面紀念畫集》,隨書附送《復刻小流氓》創刊號,售$88;那邊廂,黃玉郎卻失驚無神喺今期第23期《龍虎5世3世仇》隨書附送《小流氓》第一期復刻版,兼出廣告話會喺10月31日推出《正宗小流氓封面集》,售$48。呢鋪真係好睇過戲,出書早又早過你,送創刊號又早送過你,賣書平又平過你,黃玉郎擺明對著幹,截你糊。唔通版權問題已經再唔成問題?又唔知文化傳信會唔會出律師書呢?大家會買邊本?我就鐵了心兩本都買。港漫界好久無如此爆炸性話題了,As一個港漫死忠,始終認為個市熱鬧啲好,一池死水邊有癮?係時候買定花生半噸。