主頁, 動漫資訊, 潮玩新聞 — 15/10/2020 at 4:00 pm

《古惑仔》版權唔屬於牛佬? 《龍虎門外傳》暫定八期完

by

完了,《勝利人生李浩東》去到第11期正式完結,雖然落雨收柴,但總算有頭有尾。值得一提嘅係今期專欄「牛佬的話」,佢解釋點解重啟《古惑仔2.0》不可行,「……再寫《古惑仔2》,好難好過原有嘅銷路!」呢個Point好易理解,但之後佢補多句:「…….再講,《古惑仔》嘅版權出咗少少問題,唔放手唔得架嘞……」吓?《古惑仔》版權唔係百分百屬於牛佬嘅咩?有甚麼難言之隱呢,我唔係好明。另,嚟緊推出嘅《龍虎門外傳》,牛佬暫定用八期篇幅講慈雲山七鷹,即係話屬短篇。都支持嘅,只要寫得好,短一樣有短嘅好睇,到時做出口碑咯,咪再出荃灣十五狼、觀塘十一邪、柴灣七鱷囉。牛佬,加油呀,支持!